Ўзбекистон Ёзувчилар уюшмаси ва Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлигига қарашли Абдулла Қодирий номидаги ижод мактаби ҳамкорлигида ташкил этилган тадбирда Абдулла Қодирийнинг ўзбек адабиётида тутган ўрни, унинг келажак авлодга қолдирган бой маънавий мероси алоҳида эътироф этилди.

Кечада «Абдулла Қодирий ёшлар нигоҳида», «Абдулла Қодирий асарларининг жаҳон адабиётида тутган ўрни», «Абдулла Қодирий – ўзбек романчилигининг асосчиси» каби мавзуларда маърузалар тингланди.

Ёзувчи-шоирлар, адабиётшунослар иштирокидаги тадбирда «Ўткан кунлар» бадиий фильмидан мусиқий этюд тақдим этилди.

Абдулла Қодирий номидаги ижод мактаби ўқувчилари Адиблар хиёбонида адибларимиз ҳайкаллари пойига гул қўйишди.