Бироз аввал Осиё чемпионлар лигасининг 2023/24 йилги мавсуми учун қуръа ташлаш маросими бўлиб ўтди. Маълумки жорий мавсум Ўзбекистондан нақд 4 та жамоа мазкур мусобақада иштирок этади. Сўнгги бор бундан етти йил аввал, яъни 2016 йилги мавсумда 4 жамоамиз ОЧЛда иштирок этганди.

Бугунги қуръа натижаларига кўра, мамлакатнинг амалдаги чемпиони “Пахтакор” “А” гуруҳидан жой олди. Ушбу гуруҳда жамоамизга Саудия Арабистонининг “Аль-Файҳа”, Туркманистониннг “Аҳал” ва Бирлашган Араб Амирлигининг “Аль-Айн” жамоалари рақиблик қилади. Ўзбекистон кубогининг сўнгги чемпиони “Насаф” “Б” гуруҳидан жой олди. Мазкур гуруҳда клубимиз Қатарнинг “Аль-Садд” жамоаси, Иорданиянининг “Аль-Файсали” клуби ва Бирлашган Араб Амирлигининг “Шаржа” жамоалари билан кураш олиб боради. Саралаш босқичидан муваффақиятли ўтган “Навбаҳор” клуби “Д” гуруҳидан ўрин олди. Бу гуруҳда бизнинг турнирдаги 3-жамоамиз Саудиянинг “Аль-Ҳилол” жамоаси, Эроннинг “Насажжи” клуби ва Ҳиндистоннинг “Мумбай Сити” жамоаларига тўқнаш келади.

Осиё чемпионлар лигасидаги бизнинг 4-жамоамиз ҳисобланган ОКМК эса “C” гуруҳидан ўрин олди. Мазкур гуруҳда Миржалол Қосимов шогирдлари Саудиянинг “Аль-Иттиҳод” жамоаси, Ироқнинг “Эйр Форс” клуби ва Эроннинг “Сепахон” жамоаларига тўқнаш келади.Сезиб улгурганингиздек Криштиану Роналду жамоаси "Ан-Наср" ҳеч қайси клубимиз билан бир гуруҳдан жой олмади ва ўз-ўзининг унинг Ўзбекистонга ташрифи ҳозирча бўлмайди. Лекин Карим Бензема ва Неймар Олмалиқ ва Наманганга келиши мумкин. Уларда бундай имконият мавжуд. 

Маълумот ўрнида 1-тур учрашувлари 18–19 сентябрь кунлари, 2-тур 2–3октябрь санасида, 3-тур 23–23 октябрда, 4-тур 6–7 ноябрда, 5-тур эса 27–28 ноябрь кунлари ва сўнгги 6-тур 4–5 декабрь кунлари ўтказилади. Ушбу турнирдаги барча жамоамизга омад тилаймиз

Видеони тўлиқ ЎзАнинг YouTube каналида томоша қилишингиз мумкин

 <iframe width="640" height="420" src="https://www.youtube.com/embed/HKS1u9NHVtE" title="ОЧЛ қуръа: Қосимов ҳамда Бабаян жамоаси Бензема ва Неймарга қарши тўп суради" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Фаррух Худоёров, Искандар Исматов (видео), ЎзА