Futbol bo‘yicha Elit Osiyo chempionlar ligasining g‘arbiy mintaqasida umumiy bosqichning uchinchi tur uchrashuvlari davom etmoqda.

Bugun, 21 oktyabr kuni mazkur tur doirasida mamlakatimiz sharafini himoya qilayotgan “Nasaf” jamoasi safarda BAAning “Shabab al Ahli” jamoasi mehmoni bo‘ladi. Yurtimiz vaqti bilan soat 21:00 da start oladigan ushbu o‘yinda mezbonlar to‘liq qizil rangli libosda, “Nasaf” esa ko‘k rangli sport formasida maydonga tushadi.

Shuningdek, bugun “Al-Hilol” - “Al-Sadd” o‘rtasidagi bahs Elit Osiyo chempionlar ligasining 3-tur o‘yinlarini yakunlab beradi.

Kuni kecha ushbu turda “Al-Ahli” o‘z maydonida “Al-Garafa” klubini 4:0 hisobida mag‘lubiyatga uchratgan bo‘lsa, “Traktor” safarda mezbon “Al Sharja” jamoasini 5:0 hisobida taslim etdi. “Al-Shorta” esa 1:4 hisobida “Al-Ittihod”ga imkoniyatni boy berib qo‘ydi. “Al-Vahda” va “Al-Duxail” o‘rtasidagi bahs 3:1 hisobida o‘z yakuniga yetdi.

Javohir Toshxo‘jayev,

O‘zA