Футбол бўйича Осиё чемпионлар лигаси-2 мусобақасининг ғарбий минтақасида тўртинчи тур учрашувлари якунланди.

Мазкур мусобақанинг “B” гуруҳида “Ал-Холдия” меҳмони бўлган “Андижон” 0:0 ҳисобида дуранг ўйнаган бўлса, “Аркадағ” – “Ал-Аҳли” жамоалари баҳси 1:1 ҳисобида якунланди.  

Шу тариқа, тўртинчи тур якунига кўра, “Ал-Аҳли” ва “Ал-Холдия” биттадан ўйин кўп ўтказган ҳолда 7 ҳамда 6 очко билан 1-2 поғоналардан жой олди. Захирасида битта ўйин бўлган “Андижон” 4, “Аркадағ” эса 3 очко билан 3-4 ўриндан жой олган.  

Натижаларга кўра, “А” гуруҳида "Ал-Васл" 10 очко билан пешқадамлик қилаётган бўлса, "Ал-Мухаррақ" 7 очкога эга бўлиб, иккинчи ўринни банд этди. "Истиқлол" ва "Ал-Виҳдат" бир хил - 4 очко жамғариб, голлар нисбатига кўра 3-4 ўринлардан жой олди.

“C” гуруҳида "Ал-Хуссайн" жамоаси очколар сонини 6 тага етказиб, биринчи ўринга чиқиб олди. "Сепахон" ва "Ахал" клублари 4 очкога эга бўлиб, 2-3 ўринга тақсимланди. "Моҳун Боган" эса ҳамон очкосиз қолмоқда. “D” гуруҳида ҳисобида 12 очко бўлган "Ан-Наср" карвонбошилик қилаётган бўлса, "Аз-Завра" ва "Истиқлол" (Душанбе) 6 очко билан 3-4 ўринларни эгаллаган. "Гоа" клуби ўтган тўртта ўйинда мағлубиятга учрагани боис очкосиз қолмоқда.

Мусобақанинг ғарбий минтақасида 5-тур учрашувлари 25-26 ноябрь кунлари бўлиб ўтади.

Жавоҳир Тошхўжаев,

ЎзА