ФОТОРЕПОРТАЖ

Давлат солиқ қўмитаси раиси Шерзод Кудбиев Термиз шаҳридаги Имом Термизий халқаро илмий-тадқиқот марказида тадбиркорлар билан очиқ мулоқот ўтказди.

Тадбирда 150 га яқин тадбиркорлик субъекти иштирок этди.  

Очиқ мулоқотда тадбиркорлар фаолиятида дуч келаётган масалалар ижобий ҳал этилди.  

Хусусан, Қизириқ туманидаги “Гранд глобал” МЧЖ раҳбари Ш. Алиқулов онлайн-касса орқали чек суммаси нотўғри чоп этилгани ва ушбу чекни таҳрирлашда ёрдам сўраб мурожаат қилди.  

[gallery-9302]

Тадбиркорнинг мурожаати бўйича белгиланган тартибда нотўғри сумма қайд этилган чекни таҳрирлашга рухсат берилиши маълум қилинди.    

Шунингдек, салқин ичимликлар савдоси билан шуғулланиб келаётган “Денов мазали сувлари” корхонаси раҳбари А. Чориев сифатсиз ҳолга келиб қолган маҳсулотларни ҚҚС ҳисоботида акс эттириш масаласида мурожаат қилди.  

Мутахассислар томонидан яроқсиз маҳсулотларни ҚҚС ҳисоботида акс эттириш имконияти юзасидан тегишли тушунтиришлар берилди. Давлат солиқ қўмитаси раиси айни вазиятда тадбиркорнинг масаласини тезкорлик билан ҳал этиш бўйича мутасаддиларга топшириқ берди.  

Учрашувда бизнес вакиллари томонидан берилган таклифлар тингланди, уларнинг мурожаатларида билдирилган масалалар ижобий ҳал этилди.  

Жонибек ҚЎЗИМУРОДОВ(сурат),ЎзА