Жиззах вилояти солиқ бошқармаси ташаббуси билан “Очиқ эшиклар куни” ўтказилди.

Ушбу тадбир солиқ хизматида фидокорона меҳнат қилаётган 50 нафарга яқин ёш мутахассислар ва уларнинг ота-оналарига фахр-ифтихор туйғуларини бахш этди.

Жиззах вилоят солиқ бошқармаси бошлиғи Бобир Исмоилов иштирокчиларга солиқ тизимида амалга оширилаётган ислоҳотлар, янгича ёндашув ва “маҳаллабай” ишлаш механизмининг афзалликлари ҳақида батафсил маълумот берди.  

Тадбир давомида, ҳалоллик, шаффофлик, коррупцияга муросасизлик ва солиқ тўловчи билан очиқ мулоқот солиқ хизмати фаолиятининг асосий вазифалари экани алоҳида таъкидланди.

Ташриф буюрган ота-оналарга миннатдорлик сифатида махсус ташаккурномалар топширилиб, тадбир илиқ ва кўтаринки руҳда якунланди.

<iframe width="560" height="315" src="https://www.youtube.com/embed/FGvGX1OEnx8?si=yG5C2f00y529rcww" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдужалол Қаюмов, ЎзА мухбири