Тошкент шаҳрининг Олмазор туманида жойлашган 107-давлат мактабгача таълим ташкилотида реконструкция ишлари якунланиб, фойдаланишга топширилди.

210 нафар тарбияланувчига мўлжалланган муассаса биноси “Обод маҳалла” давлат дастури доирасида тубдан янгиланди.

Хусусан, таъмирлаш доирасида бино фасади, ички интерьер, ички коммуникациялар, иситиш ва сув таъминоти тизимлари янгиланди. Гуруҳ хоналари, ётоқ ва ўйин заллари замонавий дизайнда қайта жиҳозланди.

Шунингдек, ошхона ва маъмурий хоналар замонавий мебеллар ҳамда техник ускуналар билан таъминланди.

Эндиликда ушбу ташкилот болажонлар учун қулай, хавфсиз ва эстетик жиҳатдан чиройли муҳитга эга замонавий таълим масканига айланди.

Гулноза Бобоева,

ЎзА