Respublika Gidrometeorologiya markazining xabar berishicha, 9 aprel kuni Toshkentda havo o‘zgarib turadi, kechqurun qisqa muddatli yomg‘ir yog‘ib, momaqaldiroq bo‘lishi mumkin. Kunduzi yog‘ingarchilik bo‘lmaydi. Sharqdan sekundiga 7-12 metr tezlikda shamol esadi. Kechasi 14-16, kunduzi 27-29 daraja iliq bo‘ladi.

Qoraqalpog‘iston Respublikasi va Xorazm viloyatida havo o‘zgarib turadi, yog‘ingarchilik bo‘lmaydi. Sharqdan sekundiga 7-12 metr tezlikda shamol esadi. Ayrim joylarda shamolning tezligi chang ko‘chishi bilan birga sekundiga 17-22 metrgacha kuchayishi mumkin. Kechasi 12-17 daraja iliq, kunduzi 25-30  daraja issiq bo‘ladi.  

Buxoro viloyatida havo biroz bulutli bo‘ladi, ayrim joylarda o‘zgarib turadi, yog‘ingarchilik bo‘lmaydi. Sharqdan  sekundiga 7-12 metr tezlikda shamol esadi. Kechasi 14-19 daraja iliq,  kunduzi  28-33 daraja issiq bo‘ladi.

Navoiy viloyatida havo biroz bulutli bo‘ladi, ayrim joylarda o‘zgarib turadi, kechasi va ertalab ba’zi joylarda qisqa muddatli yomg‘ir yog‘ib, momaqaldiroq bo‘lishi mumkin. Sharqdan sekundiga 7-12 metr tezlikda shamol esadi. Cho‘l hududlarida  shamolning tezligi chang ko‘chishi bilan birga sekundiga 17-22 metrgacha kuchayishi mumkin. Kechasi 14-19 daraja iliq,  kunduzi  28-33 daraja issiq bo‘ladi.

Toshkent, Samarqand, Jizzax va Sirdaryo viloyatlarida havo biroz bulutli bo‘ladi, ayrim joylarda o‘zgarib turadi, kechasi va ertalab ba’zi joylarda  qisqa muddatli yomg‘ir yog‘ib, momaqaldiroq bo‘lishi mumkin. Sharqdan sekundiga 7-12 metr tezlikda shamol esadi.  Jizzax viloyatida  shamolning tezligi ayrim joylarda chang ko‘chishi bilan birga sekundiga 17-22 metrgacha kuchayishi mumkin. Kechasi  12-17 daraja iliq,  kunduzi  25-30 daraja issiq bo‘ladi.  

Qashqadaryo va Surxondaryo viloyatlarida havo biroz bulutli bo‘ladi, ayrim joylarda o‘zgarib turadi, yog‘ingarchilik bo‘lmaydi. Sharqdan sekundiga 7-12 metr tezlikda shamol esadi. Kechasi 14-19 daraja iliq,  kunduzi 32-37 daraja issiq bo‘ladi. 

Andijon, Namangan va Farg‘ona viloyatlarida havo biroz bulutli bo‘ladi, ayrim joylarda o‘zgarib turadi, yog‘ingarchilik bo‘lmaydi. Sharqdan sekundiga 5-10 metr tezlikda shamol esadi. Kechasi 12-17 daraja iliq,  kunduzi 25-30 daraja issiq bo‘ladi. 

Respublikamizning tog‘oldi va tog‘li hududlarida havo o‘zgarib turadi, ayrim joylarda qisqa muddatli yomg‘ir yog‘ib, momaqaldiroq bo‘lishi mumkin. Sharqdan sekundiga 7-12 metr tezlikda shamol esadi. Momaqaldiroq paytida shamolning tezligi sekundiga 17-22 metrgacha kuchayishi mumkin. Kechasi 8-13, kunduzi 17-22 daraja iliq bo‘ladi.

Muhim hodisalar

8-11 aprel kunlari respublikamizning ayrim joylarida shamolning tezligi kuchayishi, ba’zi tumanlarda chang ko‘chishi kutilmoqda:

8 aprel kuni Qoraqalpog‘iston Respublikasi va respublikamizning cho‘l hududlarida shamolning tezligi sekundiga 17-22 metrgacha, ba’zi joylarda sekundiga 23-25 metrgacha kuchayishi mumkin; 

9 aprel kuni Qoraqalpog‘iston Respublikasi, Xorazm, Jizzax viloyati va respublikamizning cho‘l hududlarida shamolning tezligi sekundiga 17-22 metrgacha kuchayishi mumkin; 

10 aprel kuni Xorazm,  Buxoro va Navoiy viloyatlarida  shamolning tezligi sekundiga 17-22 metrgacha kuchayishi mumkin; 

11 aprel kuni respublikamizning ba’zi joylarida shamolning tezligi sekundiga 17-22 metrgacha, Buxoro, Navoiy, Jizzax va Surxondaryo viloyatlarida sekundiga 25-28  metrgacha kuchayishi mumkin. 

O‘zA