Республика Гидрометеорология марказининг хабар беришича, 11 сентябрь куни Тошкентда ҳаво ўзгариб туради, кечаси ва эрталаб бироз ёмғир ёғиб, момақалдироқ бўлиши мумкин, кундузи ёғингарчилик бўлмайди. Ғарбдан секундига 5-10 метр тезликда шамол эсади. Айрим жойларда шамолнинг тезлиги секундига 15-17 метргача кучайиши мумкин. Кечаси 15-17, кундузи 23-25 даража илиқ бўлади.

Қорақалпоғистон Республикаси ва Хоразм вилоятида ҳаво бироз булутли бўлади айрим жойларда ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади. Кечаси 8-13, кундузи 20-25 даража илиқ бўлади.

Бухоро ва Навоий вилоятларида ҳаво бироз булутли бўлади, баъзи жойларда ўзгариб туради, ёғингарчилик бўлмайди. Шарқдан секундига 7-12 метр тезликда шамол эсади. Кечаси 12-17, кундузи 23-28 даража илиқ бўлади.

Тошкент, Самарқанд, Жиззах ва Сирдарё вилоятларида ҳаво ўзгариб туради, куннинг биринчи ярмида бироз ёмғир ёғиб, момақалдироқ бўлиши мумкин. Ғарбдан секундига 7-12 метр тезликда шамол эсади. Баъзи жойларда шамолнинг тезлиги чанг-бўронлари билан бирга секундига 15-18 метргача кучайиши мумкин. Кечаси 12-17, кундузи 23-28 даража илиқ бўлади.

Қашқадарё ва Сурхондарё вилоятларида ҳаво бироз булутли бўлади, айрим жойларда ўзгариб туради, ёғингарчилик бўлмайди. Ғарбдан секундига 7-12 метр тезликда шамол эсади. Баъзи жойларда шамолнинг тезлиги секундига 15-18 метргача кучайиши мумкин. Сурхондарё вилояти бўйлаб айрим жойларда шамолнинг тезлиги чанг-бўронлари билан бирга секундига 20-23 метргача кучайиши мумкин. Кечаси 15-20 даража илиқ, кундузи 27-32 даража иссиқ бўлади.

Андижон, Наманган ва Фарғона вилоятларида ҳаво бироз булутли бўлади, айрим жойларда ўзгариб туради, ёмғир ёғиб, момақалдироқ бўлиши мумкин. Ғарбдан секундига 7-12 метр тезликда шамол эсади. Баъзи жойларда шамолнинг тезлиги секундига 15-18 метргача, айрим жойларда чанг-бўронлари билан бирга секундига 20-23 метргача кучайиши мумкин. Кечаси 15-20, кундузи 25-30 даража илиқ бўлади.

Республикамизнинг тоғли ҳудудларида ҳаво ўзгариб туради, айрим жойларда ёмғир ёғади, баланд тоғларда (2500 метрдан юқори) ёмғир қорга айланиши мумкин. Ғарбдан секундига 7-12 метр тезликда шамол эсади. Баъзи жойларда шамолнинг тезлиги секундига 17-22 метргача кучайиши мумкин. Кечаси 12-17, кундузи 18-23 даража илиқ бўлади.

Муҳим ҳодисалар

10-12 сентябрь кунлари Ўзбекистонга Волгабўйи ҳудудидан бироз нам ва совуқ ҳаво оқими кириб келиши кутилмоқда.

10-12 сентябрь кунлари республикамизнинг айрим жойларида шамолнинг тезлиги секундига 15-18 метргача кучайиши, баъзи жойларда чанг-тўзонлари кузатилиши кутилмоқда.

11 сентябрда Сурхондарё вилояти ва Фарғона водийси вилоятларининг айрим жойларида шамолнинг тезлиги секундига 20-23 метргача кучайиши мумкин.

11 сентябрда Тошкент, Самарқанд, Жиззах, Сирдарё вилоятларининг айрим туманларида бироз ёмғир ёғиши мумкин.

11-12 сентябрь кунлари Фарғона водийси вилоятларининг айрим жойларида ёмғир ёғади. Республикамизнинг тоғли ҳудудларида ёмғир ёғади, (2500 метрдан юқори) баланд тоғларда ёмғир қорга айланиши мумкин.

Республикамизнинг аксарият қисмида ҳаво ҳарорати кечаси 10-13, кундузи 23-28 даражагача пасаяди.

ЎзА