Ҳаво тревогаси бутун Украина бўйлаб эшитилмоқда, дея маълум қилди Украинанинг "Бешинчи" телеканали.
Аввалроқ Украинанинг бир нечта вилоятлари, жумладан Киев маъмурияти ҳам ҳаво тревогаси эълон қилингани ҳақида маълум қилган эди.
Украина матбуоти душанба ва сешанба кунлари мамлакатнинг қатор ҳудудларида портлашлар юз бераётгани ҳақида хабар берган эди. Ракета ҳужумига мамлакатнинг инфратузилма объектлари, жумладан Винницк вилоятидаги Ладижинск ТЭСи учрагани айтилди. Бундан ташқари, Украинадаги йирик Ferrexpo тоғ-кон компанияси электрэнергия таъминоти узилгани учун фаолиятини тўхтатгани маълум бўлди. Шунингдек, Украинада поездларнинг жадвалдан кечикиши кузатилган.
Россия қуролли кучлари ҳафтанинг биринчи кунлариданоқ Украинага ракета зарбаларини бермоқда. Хабарда таъкидланишича, ҳужумлар ҳарбий бошқарув, алоқа ва энергетика тизимларига уюштирилмоқда.