2021 йилда Украина томонидан кўчирилган 44 нафар афғонистонлик энди Украинадан ҳам кўчирилди, деб ёзмоқда Washington Post газетаси АҚШ давлат департаменти масъуллари берган маълумотга таяниб.

"Украина ҳарбийлари ўтган йилнинг сентябрь ойида 44 нафар афғонистонликни Киевга кўчириб олиб кетган эди. Чоршанба куни иккинчи бор кўчирилди",  дейилади хабарда.

Газетанинг ёзишича, олтита оила Qatar Airways самолётида Дохага жўнаб кетган. У ерда уларнинг АҚШ ҳудудига кириш имкони кўриб чиқилади.

2021 йил августь ойида “Толибон” ҳаракати жангарилари Афғонистонга ҳужумларини фаоллаштирган эди. Улар  15 августда Кобулга кирди ва эртаси куни уруш тамом бўлгани ҳақда эълон қилди. Август ойининг сўнгги икки ҳафтасида Кобул аэропортидан америкалик ҳарбийлар назорати остида мамлакат фуқароларини оммавий равишда Ғарб мамлакатларига кўчириш бошланди. 31 август куни Америка ҳарбийлари ҳам Кобул аэропортини тарк этишди.