Оқ уйнинг коммуникация бўйича директори Кейт Бедингфилд тез орада ўз лавозимини тарк этади, деб хабар бермоқда Fox News телеканали.

"Бедингфилд Оқ уйни шу ойнинг охирида тарк этади", - деб маълум қилди телеканал Оқ уй вакилларидан бирининг берган маълумотига таяниб.

Телеканал берган маълумотга кўра,  Бедингфилд кўпроқ уйда оиласи билан бирга бўлмоқчи, бироқ АҚШ Президенти Жо Байденнинг фаолиятини ташқаридан туриб қўллаб-қувватлашда давом этади.

Бундан аввалроқ Оқ уй матбуот котиби Жен Псаки лавозимини тарк этган эди. У телевиденияда журналистлик фаолиятини давом эттиришини маълум қилганди.

Кузда Псаки MSNBC да ўз дастурини олиб боради.

Хабарда айтилишича, ўтган йилнинг сўнгги ойидан буён Оқ уйни 21 киши тарк этганини ёки яқин орада  тарк этишини маълум қилган.