Нигериянинг шимолида Кацина штатида номаълум қуролланган кимсалар томонидан амалга оширилган ҳужум оқибатида ҳалок бўлган тинч аҳоли сони 100 кишига етди, деб ёзмоқда мамлакатда чиқадиган Vanguard газетаси.

Хабарда айтилишича, камида 500 га яқин босқинчи Бакори туманидаги қишлоқларнинг бирига ҳужум уюштирган. Жангарилар ўзлари билан йирик шохли қорамоллар ва қўйларни ҳайдаб кетган. Газетанинг ёзишича, айни пайтда маҳаллий кўнгиллилар гуруҳи босқинчиларнинг ортидан бориб, улар  билан жангга киришган, дейилади ТАСС агентлиги берган хабарда.