OAV: NATO bosh kotibi Xalqaro valyuta jamg‘armasiga rahbarlik qilishi mumkin
NATO bosh kotibi Yens Stoltenberg Xalqaro valyuta jamg‘armasiga (XVJ) rahbar bo‘lishi mumkin, deb xabar tarqatdi Norvegiyaning TV2 telekanali manbalarga tayanib.
"Stoltenberg Vashingtonda yangi rahbarlik lavozimini olishi mumkin", – deyiladi xabarda.
Telekanalning eslatishicha, Stoltenberg NATOni 2014 yildan buyon boshqarib kelmoqda, uning vakolati uzaytirilgan, lekin 63 yoshli siyosatchi kelasi yili lavozimini tark etishi mumkin.
"AQSH Stoltenbergni Xalqaro valyuta jamg‘armasiga rahbar sifatida ko‘rmoqda", – deyiladi telekanalning NATO manbalariga tayanib bergan xabarida.