Украина атрофида вазиятнинг кескинлашуви шароитида Канаданинг махсус топшириқларни бажарувчи ҳарбий қучларидан унчалик катта бўлмаган контингенти ушбу мамлакатга жўнатилди, деб хабар берди Global News телеканали.

“Мазкур қадам НАТО иттифоқчилари томонидан Россия босқинчилигини тўхтатишга ва Украина ҳукуматини қўллаб-қувватлашга қаратилган", дейилади хабарда.

Махсус топшириқларни бажарувчи бўлинмалар олдига қўйилган яна бир вазифа,  агар Украинада вазият кескинлашиб кетса канадалик дипломатларни эвакуация қилишдан иборат, деб хабар беради Канаданинг Global News телеканали.Бундан аввалроқ CBC телеканали ҳам Канада Украинага маҳаллий ҳарбийларни тайёрлаш учун 200 нафар ҳарбий хизматчисини жўнатгани ҳақида маълум қилган эди.