Ҳиндистон қисқа масофага парвоз қиладиган "Притхви-2" баллистик ракета синовини муваффақиятли амалга оширди. NDTV телеканали мамлакат мудофаа вазирлигига таяниб ракета Одиша штатидаги полигонда учирилганини маълум қилди.

"Қисқа масофали "Притхви-2" баллистик ракетасининг машқ парвози 15 июнда тахминан 19:00 да Одиша штатидаги Чандипур полигонида амалга оширилди", - дейилади мудофаа вазирлиги тарқатган хабарда.

Ҳиндистонда 6 июнда ядро жанговар зарядини элтувчи "Агни-4" баллистик ракетаси ҳам синаб кўрилган эди.