Oʻzbekiston Milliy axborot agentligida (OʻzA) bir qator davlat tashkilotlari matbuot kotiblari bilan oʻtkazilgan uchrashuvda bu boradagi ishlarni hamkorlikda takomillashtirish masalalari muhokama qilindi.

OʻzA Bosh direktori A.Koʻchimov mamlakatdagi soʻz erkinligi, xalqimiz dardu tashvishini bayon qilishda jurnalistlar, xususan, tashkilotlar matbuot kotiblarining bosh gʻoyasi haqida gapirdi.

– Maqsadimiz bir, – dedi A.Koʻchimov. – Mamlakat, xalq taraqqiyotiga hissa qoʻshish. Bu sizu bizning saʼy-harakatlarimizga, hamjihatlikda ishlashimizga bogʻliq. Shu maʼnoda bugun sizning takliflaringizni, mulohazalaringizni eshityapmiz. OʻzA jamoasi shu tamoyillar asosida ishlash tarafdori va biz takliflarni qoʻllab-quvvatlashga doim tayyormiz.

Uchrashuvda ishtirok etgan ijtimoiy-iqtisodiy tarmoq vazirliklari, tashkilotlar matbuot kotiblari fikr-mulohazalarini bildirdi.

Ularda qayd etilganidek, avvalo, vazirlik va idoralar tizimida rejali ishlash tizimiga asos solish kerak. Bunda asosiy eʼtibor oʻzaro ishonch va matbuot kotiblari bilan muxbirlar oʻrtasidagi axborot almashinuv tizimiga bogʻliqdir. Shuningdek, maʼlumotlar almashinuvida ortiqcha qogʻozbozlikni yoʻqotish yaxshi samara beradi.

Bu kabi uchrashuvlarni anʼanaviy davom ettirishga kelishib olindi.