Буркина-Фасо ҳукумати жиҳодчиларга қарши курашиш учун мамлакатда ялпи сафарбарлик эълон қилди, деб ёзмоқда France-Presse агентлиги.

“Буркина-Фасо ҳукумати пайшанба куни жиҳодчиларга қарши курашда давлатга зарур бўлган барча ёрдамни кўрсатиш  мақсадида ялпи сафарбарлик эълон қилди”, – дейилади агентлик тарқатган хабарда.

Агентликнинг ҳукумат баёнотига таяниб ёзишича, бундай қарорнинг қабул қилинишидан мақсад  террорчиларга қарши курашда барча кўриладиган саъй-ҳаракатларнинг ҳуқуқий асосларини таъминлашдан иборат.  

Буркина-Фасо, Африканинг Сахель минтақасида жойлашган бўлиб, 2015 йилдан буён давом этиб келаётган радикал жиҳодчиларнинг ҳужумини бартараф қилишга уриниб келмоқда.