Arkanzas shtatida uch nafar politsiyachi fuqaroni qattiq do‘pposlagani videoga olinib, ijtimoiy tarmoqda tarqatilgandan keyin ishdan bo‘shatildi, deb yozmoqda NPR nashri.

"Arkanzas shtatining Krouford okrugida uch nafar politsiyachi bir erkakni ushlab turgani va urayotgani videosi ijtimoiy tarmoqda tarqalgandan keyin, ular o‘z vazifasidan chetlashtirildi. Shtat gubernatorining ma’lum qilishicha, hozir voqea bo‘yicha tergov olib bormoqda", – deyiladi xabarda. Videoyozuvda uch politsiyachi erkakni yerga bosib olib, unga mushtlari va tizzalari bilan zarba berayotgani, boshini asfaltga urayotgani tasvirlangan.

Xabarda ta’kidlanishicha, voqea Malberi shahridagi unchalik katta bo‘lmagan savdo do‘koni qarshisida ro‘y bergan.