Анқаранинг Украинадаги урушни тўхтатиш бўйича амалга оширган саъй-ҳаракатларидан сўнг АҚШ Конгрессининг бир қатор аъзолари F-16 қирувчи самолётларини Туркияга сотиш бўйича розилигини билдирди, деб хабар бермоқда Туркиянинг A Haber телеканали.

"Туркия айрим ҳаракатларини тўғри йўналишда олиб бормоқда, шунга қарамай, Туркия билан ҳали бирга ишлайдиган йўналишлар бор", – деди АҚШ вакиллар палатасининг халқаро муносабатлар бўйича қўмитаси раиси Грегори Микс.

Ўз навбатида, сенат қўмитасидаги республикачилар етакчиси  Жим Риш ҳам Туркия F-16 самолётлари кераклиги бўйича ишончли фактларни келтира олганини  таъкидлаб ўтган.