Afgʻonistonning poytaxti Kobul shahrida Oʻzbekiston va Afgʻoniston mahsulotlarining ixtisoslashtirilgan koʻrgazmasi tashkil etildi, deya xabar bermoqda Oʻzbekiston eksportchilar uyushmasining Afgʻonistondagi biznes elchisi.

Koʻrgazma ikki mamlakat biznes vakillarining oʻzaro yaqindan tanishishi, eksportyor va importyorlar oʻrtasida shartnomalar imzolash, ikki xalqning boy madaniy merosini keng targʻib qilish maqsadida oʻtkazilmoqda.

Koʻrgazmada oʻzbekistonlik eksportchi tadbirkorlar tomonidan 50 dan ziyod yirik kompaniyalarining yuzdan ortiq mahsulotlari katalogi namoyish etilayotir.