Oʻzbekistonda “Skolkovo” bilan hamkorlikda ilk startap-tur oʻtkazilishi mumkin
Tomonlar koronavirus pandemiyasi tufayli dunyoda vaziyat yomonlashishining oldini olish maqsadida “Startap-tur” tanlovini onlayn formatda tashkil etishga kelishib oldi.
Innovatsion rivojlanish vaziri oʻrinbosari Olimjon Toʻychiyev va Rossiya Federatsiyasining “Skolkovo” jamgʻarmasi mintaqaviy rivojlanish va MDH aloqalari boʻyicha vitse-prezidenti Aleksey Okunev oʻrtasida videokonferensiya shaklida oʻtkazilgan muloqotda ushbu masala muhokama qilindi.
Tadbirda joriy yil sentyabr oyida oʻtkazilishi koʻzda tutilgan “Startap-tur” tanlovi tashkiliy qoʻmitasi tomonidan amalga oshirilgan ishlar toʻgʻrisida masʼul xodimlarning hisoboti tinglandi. Koronavirus pandemiyasi tufayli Jahon sogʻliqni saqlash tashkiloti tomonidan tavsiya etilayotgan cheklovlarni hisobga olgan holda, tanlovni onlayn formatda oʻtkazish yuzasidan fikr almashildi. “Skolkovo” jamgʻarmasi vakillari mazkur tadbirni yuqori saviyada oʻtkazish lozimligini alohida qayd etdi.
Tomonlar koronavirus pandemiyasi tufayli dunyoda vaziyat yomonlashishining oldini olish maqsadida “Startap-tur” tanlovini onlayn formatda tashkil etishga kelishib oldi.