Mamlakatimizdan 2020-yilning 9 oyida chet elga 108,2 million AQSH dollari qiymatidagi 11 135 dona yengil avtomobil eksport qilingan.

Bu haqda Oʻzbekiston eksportchilar uyushmasi xabar berdi.

Yengil avtomobil eksporti oʻtgan yilning mos davriga nisbatan 35,1 million AQSH dollariga yaʼni 47,9 % ga oshgan. Oʻzbekiston yengil avtomobillari asosan Qozogʻistonga (8 985 dona) eksport qilingan.

Oʻzbekiston yengil avtomobil eksport qilgan davlatlar:

- Qozogʻiston – 91,7 mln. AQSH dollari

- Ozarbayjon – 6,2 mln. AQSH dollari

- Ukraina – 5,7 mln. AQSH dollari

- Rossiya – 2,2 mln. AQSH dollari

- Tojikiston – 1,1 mln. AQSH dollari

- Boshqa davlatlar – 1,3 mln. AQSH dollari.

Maʼlumot oʻrnida, 2020-yilning 9 oyida mamlakatimizga 349,3 million AQSH dollari qiymatidagi 20 482 dona yengil avtomobil import qilingan.