O‘smirlar olimpiya o‘yinlariga yana bitta yo‘llanma
Filippin poytaxti Manila shahrida trampolin bo‘yicha o‘smirlar o‘rtasida Osiyo chempionati davom etmoqda. Buenos-Ayresda bo‘lib o‘tadigan III o‘smirlar Olimpiya o‘yinlariga litsenziya beruvchi mazkur musobaqada yurtimiz sharafini Bobur Ahmadaliyev va Nikita Babenishevlar himoya qilishmoqda.
Filippin poytaxti Manila shahrida trampolin bo‘yicha o‘smirlar o‘rtasida Osiyo chempionati davom etmoqda. Buenos-Ayresda bo‘lib o‘tadigan III o‘smirlar Olimpiya o‘yinlariga litsenziya beruvchi mazkur musobaqada yurtimiz sharafini Bobur Ahmadaliyev va Nikita Babenishevlar himoya qilishmoqda.Hamyurtimiz Nikita Babenishev o‘z tengdoshlari orasida ikkinchi natijani qayd etdi va shu yilning 6-18 oktyabr kunlari Argentina poytaxti Buenos-Ayresda bo‘lib o‘tadigan o‘smirlar Olimpiya o‘yinlariga yo‘llanmani qo‘lga kiritdi. Birinchi o‘rin xitoylik, uchinchi o‘rin esa yaponiyalik sportchilarga nasib etdi.
E’tiborli jihati, O‘zbekiston gimnastika federatsiyasi o‘smirlar Olimpiya o‘yinlariga gimnastikaning barcha yo‘nalishlari bo‘yicha litsenziyalarga ega bo‘ldi. Bungacha sport gimnastikasida 2 ta, akrobatika va badiiy gimnastikada bittadan yo‘llanmalar qo‘lga kiritilgandi. Endi ular qatoriga trampolindan xam bitta yo‘llanma qo‘shildi.