Futbol bo‘yicha O‘zbekiston XXV milliy chempionati oliy ligasi o‘n ikkinchi tur o‘yinlari bo‘lib o‘tdi.

Futbol bo‘yicha O‘zbekiston XXV milliy chempionati oliy ligasi o‘n ikkinchi tur o‘yinlari bo‘lib o‘tdi.

Turning markaziy uchrashuvi Qarshida “Nasaf” va “Lokomotiv” jamoalari o‘rtasida bo‘ldi. O‘yin boshidan hujumga e’tibor qaratgan “temiryo‘lchi”lar 4-daqiqada Temurxo‘ja Abduxoliqovning goli evaziga hisobni ochdi. 44-daqiqada u ikkinchi golini kiritdi. 62-daqiqada “Nasaf” futbolchisi Erkin Boydullayev hisobni qisqartirdi.

O‘yin “Lokomotiv” jamoasining 2:1 hisobidagi g‘alabasi bilan yakunlandi. Chempionatda mag‘lubiyatsiz to‘p surib kelayotgan ushbu jamoa 34 ochko bilan musobaqa jadvalida peshqadamlik qilmoqda.

Mamlakatning amaldagi chempioni – “Paxtakor” jamoasi o‘z maydonida Muborakning “Mash’al” klubini qabul qilib, 3:0 hisobida zafar quchdi. “Paxtakor” jamoasiga g‘alaba keltirgan gollarni Jamshid Boltaboyev, Sherzod Karimov va Igor Sergeyev kiritdi.

Qolgan uchrashuvlarning natijalari quyidagicha: “Metallurg” – “Bunyodkor” 1:1, “Qo‘qon – 1912” – “So‘g‘diyona” 1:2, “Andijon” – “Olmaliq” 0:2, “Buxoro” – “Neftchi” 2:0, “Qizilqum” – “Navbahor” 1:0, “Sho‘rtan” – “Obod” 3:2.