Оғир атлетика: Кумушхон Файзуллаева қитъада тенгсиз
Корея Халқ Демократик Республикасида оғир атлетика бўйича ўсмирлар ва ёшлар ўртасида Осиё чемпионати давом этмоқда.
Корея Халқ Демократик Республикасида оғир атлетика бўйича ўсмирлар ва ёшлар ўртасида Осиё чемпионати давом этмоқда. Кеча ёшлар ўртасида -64 килограмм вазн тоифасида иштирок этган қизимиз Кумушхон Файзуллаева 3 йўналишда олтин медалларни ўз ҳисобига ёзиб қўйди.
17 ёшли вакиламиз даст кўтаришда 97 кг, силтаб кўтаришда 125 кг, икки кураш натижасида эса 222 килограмм натижа билан қитъа чемпионлигини қўлга киритди.
Яна бир аҳамиятли жиҳати ҳамюртимиз бу натижа билан ўсмирлар ўртасида даст кўтаришда ўзига тегишли жаҳон рекордини такрорлаган бўлса, силтаб кўтариш ва икки кураш бўйича янги жаҳон рекордларини ўрнатишга ҳам муваффақ бўлди.
Таъкидлаш жоиз, спортчимиз қайд этган натижа унга Токио Олимпиадаси йўлланмаси учун қимматли рейтинг очколарини ҳам тақдим этади.