Сўнгги маълумотларга кўра, ҳозиргача Нью-Жерсида коронавирусга чалинганлар жами 41минг 90 кишини ташкил этган, қурбонлар сони 1000 кишидан ошган.

“Штатда коронавирусга чалиниш суръати секинлашмоқда. Лекин ғалабани нишонлаш ёки курашни сусайтириш вақти келгани йўқ. Вирус тарқалиши энг юқори чўққисига етгунича яна камида бир ярим ҳафта бор“, — деб ёзади губернатор Twitterдаги саҳифасида.

Шу билан бирга, Мерфининг таъкидлашича, одамларни “ижтимоий масофалаш“ бўйича кўрилаётган чораларни бўшаштириш асло мумкин эмас, чунки бундай чоралар сусайтирилса “соғлиқни сақлаш тизими зиммасидаги юк тўрт баробарга ортиб кетади “, бу эса “фожеали” оқибатларга олиб келиши мумкин.

Шунингдек, губернатор нафақага чиқиб кетган давлат хизматчиларини уларнинг нафақахўрлик мақомини ўзгартирмаган ҳолда ишга қайтариш бўйича фармонга имзо чекканини ҳам маълум қилди.