Бугун Мумбай – Нью-Йорк йўналишида ҳавога кўтарилган “Air India” авиакомпаниясига қарашли самолёт хавфсизлик таҳдиди пайдо бўлгани учун Нью-Деҳлига қўнган. Бу ҳақда NDTV телеканали хабар тарқатди.

– Мумбайдан Кеннеди номидаги аэропортга томон парвоз қилаётган АИ-119 рейси махсус хавфсизлик огоҳлантиришини олди ва ҳукумат кўрсатмаси билан Деҳлига йўналтирилди, – дейилган авиакомпания эълон қилган хабарда. Барча йўловчилар туширилиб, Деҳли аэропорти терминалига олиб ўтилган. Ахборотда экипаж қандай мазмунда огоҳлантирилганига аниқлик киритилмаган.

Таъкидланишича, ҳозир самолёт хавфсизлик ходимлари, жумладан бомбани аниқлаш гуруҳи томонидан текширилмоқда.

– Индира Ганди халқаро аэропортига қўнган учоқ саҳнидаги йўловчилар ва экипаж хавфсизлигини таъминлаш учун стандарт протоколга қатъий риоя қилинмоқда, – деган юқори мартабали полиция ходими.