Нью-Йоркда сўнгги 10 йилда энг йирик кокаин партияси қўлга олинди
АҚШ наркотикларга қарши кураш бошқармаси Нью-Йорк йўлида сал кам бир тонна кокаинни мусодара қилган.
“The Independent” хабарига кўра, ҳар бирида 460 килограм бўлган икки партиядаги жами 920 килограмлик кокаин олиб қўйилган.
Агентлик ходимлари текширувлар давомида уч кишига наркотикларнинг ноқонуний айланмаси бўйича тил бириктиришда айблов эълон қилган.
Тортиб олинган кокаин партияси кейинги 10 йилда Нью-Йоркда қўлга олинган энг йирик партия ҳисобланади. Наркотикларга қарши кураш маҳаллий бошқармаси вакили Рэй Донован кокаин мусодараси муҳим бўлганини таъкидлаган: ҳудудда кейинги бир йилда кокаин билан қўлга тушиш ҳолати 150 фоизга ошган.