Венгрияның Будапешт қаласында нысана көздеуден (оқ ату спортынан) өтіп жатқан халықаралық жарыста Өзбекстан құрамасының мүшесі Владимир Свечников жоғары нәтижеге қол жеткізіп, алтын медаль иеленді.

Бұл туралы Өзбекстанның Ұлттық Олимпиада комитеті хабарлады.

Владимир Свечников 10 метрлік пневматикалық тапаншамен ату санатында өнер көрсетіп, іріктеу кезеңінде 588 ұпай жинап, ең жоғары көрсеткішпен финалға жолдама алды. Финалда да жоғары шеберлік танытып, қарсыластарын артта қалдырып, жарыс жеңімпазы атанды.

Бұл жеңіс – Өзбекстан мергендер құрамасының халықаралық аренадағы табысты өнерін айқындайтын тағы бір жарқын жетістік.