Нурхон Қурбонова Паралимпия ўйинларида иккинчи медалини қўлга киритди
Пара-енгил атлетика бўйича F54 тоифасида аёллар ўртасида найза улоқтириш баҳсларида қатнашган ҳамюртимиз Нурхон Қурбонова кумуш медалга сазовор бўлди.
Спортчимизнинг мазкур машқда қайд этган 18.38 метр натижаси унга кумуш медални тақдим қилди. Эслатиб ўтамиз, ушбу спортчимиз ядро улоқтириш секторида бронза медалига ҳам сазовор бўлган эди.
Бу делегациямизнинг жорий Паралимпиададаги 5- кумуш медали бўлди. Шунингдек, ҳисобимизда 7 та олтин ва 6 та бронза медаллари ҳам мавжуд, дейилади Миллий олимпия қўмитаси матбуот хизмати хабарида.
ЎзА