Самарқанд вилоятида ҳуқуқни муҳофаза қилувчи органлари томонидан ўтказилган тезкор тадбирда Нуробод туманида ер майдонини ноқонуний сотишга уриниш ҳолати қайд этилди.

Нуробод туманида яшовчи Б.А. фуқарога туман ҳокимлиги захирасида бўлган 40 сотих ер майдонини расмийлаштириб беришни ваъда қилиб, ушбу ер майдонига оид расмий ҳужжатларни тайёрлаб бериш учун Давлат кадастрлар палатасининг Нуробод туман бўлими мансабдор шахсларини моддий манфаатдор қилиш эвазига ер майдонини 7000 АҚШ долларига сотишга келишган.

Ушбу маълумот асосида ўтказилган тезкор тадбир давомида Б.А. келишилган маблағнинг 5000 АҚШ долларини олаётган вақтида ашёвий далиллар билан ушланган.

Мазкур ҳолат юзасидан тегишли тартибда тергов ҳаракатлари олиб борилмоқда.

Ғ.Ҳасанов, ЎзА мухбири