Birlashgan Arab Amirliklarining Dubay shahrida o‘tayotgan yoshlar o‘rtasidagi Paraosiyo o‘yinlari hamyurtlarimiz uchun omadli boshlandi.

Bir nechta medallarni qo‘lga kiritgan matonatli qizlarimizdan so‘ng irodali yigitlar ham g‘oliblik shohsupasiga ko‘tarila boshladi.

Irodali para sportchimiz Nurillo Inobiddinov para pauerliftingning o‘smirlar o‘rtasida 49 kg. vazn toifasidagi bellashuvlarida ishtirok etdi va 111 kg. natija qayd etgan holda barcha raqiblarini ortda qoldirib, oltin medalni qo‘lga kiritdi.

Ushbu medal O‘zbekiston uchun hozircha uchinchi oltin.

Sherbek Islomov,

O‘zA