Nur-Sulton politsiya departamenti Qozog‘iston ommaviy axborot vositalarining mamlakat poytaxtiga qurol olib kirishga urinish holatlari kuzatildi, deb bergan xabarini rad etdi.

Juma kuni Qozog‘iston ommaviy axborot vositalarida politsiyachilar tomonidan Nur-Sultonga noqonuniy o‘qotar qurollar olib kirish bo‘yicha bir nechta faktlarning oldi olingani haqidagi xabarlar tarqatilgan edi. "Yuqorida keltirilgan ma’lumotlar haqiqatdan yiroq... Shaharda vaziyat barqaror, to‘liq nazorat ostida turibdi", – deyiladi shahar politsiyasi matbuot xizmati tarqatgan xabarda.