Нукусда ёш аскарлар учун кўргазмали ўқув машғулоти бўлиб ўтди
Нукус гарнизонидаги ҳарбий қисмларнинг бирида жорий йил муддатли ҳарбий хизматга чақирилган янги аскарларни қурол-аслаҳалар,...
Нукус гарнизонидаги ҳарбий қисмларнинг бирида жорий йил муддатли ҳарбий хизматга чақирилган янги аскарларни қурол-аслаҳалар, жанговар ва ҳарбий техникалар, ҳарбий хизматчиларга белгиланган таъминот меъёрлари билан яқиндан таништириш мақсадида кўргазмали ўқув машғулоти бўлиб ўтди.
7 та ўқув жойи ва 28 та ўқув нуқтасида тажрибали офицер ва сержантлардан иборат машғулот раҳбарлари аскарларга ўқотар қуроллар, жанговар, ҳарбий ва махсус техникаларнинг вазифаси, қўлланилиши ҳамда улардан фойдаланилганда хавфсизлик қоидаларига амал қилиш бўйича машғулотларни олиб борди.
Машғулотда дала шароитида овқат тайёрлаш учун ишлатиладиган анжомлар, ҳарбий хизматчиларга белгиланган озиқ-овқат ва кийим-кечак таъминоти меъёрлари, алоқа, тез тиббий ёрдам кўрсатиш техника ва воситалари, муҳандислик қурол ва аслаҳалари ҳақида батафсил маълумотлар етказилди.
