Orolbo‘yi aholisi uchun qulay shart-sharoitlar yaratish hamda yo‘lovchilarning talab va istaklarini inobatga olgan holda, 2022 yil 12 sentyabrdan boshlab “Uzbekistan Airways” AJ Nukus-Mo‘ynoq-Nukus yo‘nalishidagi qatnovlarni joriy qilmoqda.

Mo‘ynoq tumani hokimligi Axborot xizmatining ma’lum qilishicha, aviaqatnovlar dushanba kunlari amalga oshiriladi.  9 sentyabr esa kuni HY-012 Nukus - Toshkent yo‘nalishida aviaqatnov Mo‘ynoq aeroportida yo‘lovchilarni qabul qiladi.

Aviachiptalarni Uzbekistan Airways Sales filialidan, aviakompaniya agentliklaridan yoki www.uzairways.com rasmiy saytidan 3 foiz chegirma bilan xarid qilish mumkin.

Dovud Abibullayev, O‘zA