Фарғона вилояти Риштон туманидаги “Чек Насриддин” маҳалла фуқаролар йиғинида истиқомат қилувчи Юрсунали Аҳмедов оиласи гулчилик соҳасида ўзининг ибратли тажрибаси билан танилган. Оила аъзолари Нидерландия, Хитой ва Таиланддан олиб келинган кўп йиллик, ноёб гулларни маҳаллий иқлим шароитига мослаштириб парваришламоқда.

Айни пайтда хонадон гулзорида Нидерландия лолалари, “Агланема” гули, Хитой бамбуки ҳамда Таиланддан келтирилган безакли ва хушбўй 20 турдан ортиқ гуллар етиштирилмоқда. Мавсум авж олган пайтларда эса гул турлари сони 150 тадан ошади.

— Гулчилик сабр ва меҳр талаб қиладиган соҳа, - дейди оила бекаси Умида Аҳмедова. — Ҳар бир кўчатга алоҳида эътибор қаратамиз.

[gallery-27439]

Бугун гулчилик оила учун даромад манбаига айланган. Ноёб гуллар бир донаси ўртача 500 минг сўмдан 1,5 миллион сўмгача баҳоланиб, буюртмалар доимий қабул қилинмоқда. Бу ишда оила бошлиғи ва фарзандлари ҳам фаол иштирок этмоқда.

Яқин истиқболда оила томорқасида гидропоника усулида замонавий иссиқхона барпо этиш режалаштирилган.

<iframe width="650" height="420" src="https://www.youtube.com/embed/OVxRK4zf72A" title="Noyob gullar parvarishlayotgan oila" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муқимжон ҚОДИРОВ (сурат ва видео), ЎзА