Novak Jokovich Amerika ochiq chempionatidan chetlatildi
Toʻp chiziq hakamining tomogʻiga borib tegdi.
Tennis boʻyicha Nyu-York shahrida oʻtayotgan Amerika ochiq chempionati (“US Open”) nimchorak finalidan oʻrin olgan Pablo Karrenyo Busta va Novak Jokovich oʻrtasidagi bahs birinchi setdayoq yakunlandi.
Uchrashuvdagi hisob 6:5 boʻlib turgan paytda Novak asabiylashib qoʻlidagi toʻpni qaramagan holda ortga urib yubordi. Toʻp chiziq hakamining tomogʻiga borib tegdi.
Garchi Novak bu ishni bilmagan holda qilgan, darhol uzr soʻrab, yordamga shoshilgan boʻlsa-da, hakamlar uni diskvalifikatsiya qilishga qaror qildi.
Mazkur holat yuzasidan “USTA” matbuot xizmati rasmiy bayonot berdi.
“Katta dubulgʻa turniri qoidalariga koʻra, sogʻliqqa zarar yetkazadigan toʻpga qasddan yoki tasodifan xavfli zarba berish, Novak Jokovichni “US Open” musobaqasidan diskvalifikatsiya qilishga olib keldi. Diskvalifikatsiya tufayli u barcha reyting ochkolari va musobaqada ishlagan pul mukofotlarini yoʻqotadi, shuningdek jarimalarni toʻlaydi” deyiladi bayonotda