Әлемнің бірінші ракеткасы сербиялық Новак Джокович Дэвис кубогының рекордын орнатты.

Серб теннисшісі Инсбрукта (Австрия) өткен Дэвис кубогында австриялық Деннис Новакты 6:3, 6:2 есебімен жеңіске жетті. Ол осы турнир аясында өткізген 42 кездесудің 35-інде жеңіске жеткен. Бұл көрсеткіш жарыс тарихындағы ең үздігі саналады.

Бұған дейінгі рекорд оның отандасы Янко Типсаревичке тиесілі еді. Янко 49 кездесуде 34 жеңіске жеткен болатын.

Қазір Еуропаның үш қаласында «Дэвис кубогы – 2021» финалдық кезеңі жалғасуда. Биыл өз тарихында екінші рет ең көне командалық турнир жаңартылған форматта өтуде.