Норвегиялик олимпиячилар орасида коронавирусга чалинган шахс бор экан
Норвегия терма жамоасини олиб кетаётган биринчи самолёт душанба куни кечқурун пойтахт Ослодан Пекин шаҳрига учган. Мамлакат Миллий олимпия қўмитаси самолёт бортида коронавирусга чалинган шахс ҳам бўлганини тасдиқлади.
– Вазият жуда оғир, – дея изоҳ берган олимпия қўмитаси қишки спорт бўйича менежери Хельге Бартнес. – Эпидемия билан боғлиқ вазият туфайли барча мусобақалар санитария қоидаларига қатъий риоя қилинган ҳолда ўтказилади.
Эслатиб ўтамиз, Пекиндаги қишки Олимпия ўйинларининг очилиш маросими 4 февраль куни бўлиб ўтади. Маросимда Ўзбекистон Президенти Шавкат Мирзиёев ҳам иштирок этади.