Қыркүйек айында Норвегияда сатылған электромобиль саны бойынша рекорды жаңарды.

CarsWeek басылымының дерегінше, өткен айда норвегиялықтар 17 992 жаңа автокөлік сатып алды, оның 13 941 – электромобиль.

2020 жылдың қыркүйегімен салыстырғанда өсім 45,8% құраған болып, жалпы қыркүйек тек электромобильдер үшін ғана емес, сонымен қатар барлық автокөлік сатылымдары бойынша рекордтар айына айналды.

Елдің автокөлік нарығында 2021 жылдың басынан бері 129 мыңға жуық жаңа автокөлік сатылған. Бұл 2020 жылмен салыстырғанда 35 пайызға көп. Электромобильдердің үлесі 62,5% құрайды. Өткен жылмен салыстырғанда 12 пайызға өскен.

2025 жылға қарай Норвегияда жаңа автокөліктің (жеңіл немесе жүк көлігі болсын) ауаға шығаратын улы газ мөлшерін нөлге дейін жеткізуді жоспарланған. Яғни, бірде-бір дизельді немесе бензинді автокөлік сатылмайды.