Норвегия ҳукумати коронавирусдан ҳимояланиш учун иккки қават ниқоб тақиш мажбуриятини жорий этишни муҳокома қилмоқда
Норвегия ҳукумати коронавирусдан ҳимояланиш учун бир йўла иккита тиббий ниқобдан фойдаланишни тавсия қилиш масаласи кўриб чиқади.
“NRK” бу ҳақда Норвегия соғлиқни сақлаш директорати раҳбари Эспен Роструп Накстад маълумотига таяниб хабар берган.
Авалроқ АҚШ бош инфекционисти Энтони Фаучи иккита ниқобни тақиш коронавирус инфекциясида анчагина хавфсизликни таъминлаши ҳақида айтган, кейинчалик бу тажрибаларда тасдиқланганди.
“Бу услуб биринчи ниқоб нотўғри тақилганида ҳам самарали бўлишини таъминлайди”, деди директорат раҳбари.
11 февралгача бўлган ҳолатда Норвегияда касалликка чалинганлар 65 мингдан ошгани, 57 мингдан ошиқ бемор соғайиб кетгани ва 592 киши касаллик қурбони бўлгани қайд этилган.