Қалбаки акциз маркали алкоголь маҳсулотлари муомалага киритилишининг олди олинди.

Бош прокуратура ҳузуридаги иқтисодий жиноятларга қарши курашиш Департаментининг Хоразм вилояти бошқармаси ва Боғот туман бўлими томонидан ИИБ ходимлари билан ҳамкорликда ўтказилган терговга қадар текширувларда “D-Y.” оилавий корхонага қарашли савдо шохобчасида 242 дона ҳамда ЯТТ “Ж.С.”га қарашли савдо шохобчасида 308 дона қалбаки акциз маркали алкоголь маҳсулотлари сотувга қўйилганлиги аниқланиб, ашёвий далил сифатида олинган.  

Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят ишлари қўзғатилиб, тергов ҳаракатлари ўтказилмоқда.  

А.Шокиров, ЎзА