Бокс бўйича "Париж-2024" Олимпия ўйинлари ғолиби ва икки карра жаҳон чемпиони Асадхўжа Мўйдинхўжаев ва жаҳон чемпиони Жавоҳир Умматалиев профессионал боксдаги фаолиятини бошлаш арафасида.

Профессионал боксда фаолиятини бошламаган ҳар икки боксчимиз жаҳон чемпионлигига эришган Тайсон Фьюри, Фабио Уордли, Дэниел Дюбуа, Агит Кабайел, Хамза Шираз каби номдорларни жамлаган “Queensberry Promotions” промоутерлик компанияси билан ҳамкорлик шартномасини имзолади.

Бу, ўзбек бокс мактабининг ёрқин вакиллари яқин келажакда ўтказиладиган профессионал бокс жангларида рингга кўтарилишини англатади.

Т.Рўзиев, ЎзА