Ўзбекистон Миллий ахборот агентлигининг @uza_uz телеграм канали орқали бўлиб ўтган “Ёшларнинг бандлигига кўмаклашиш масаласи қандай ҳал этиляпти?” мавзусидаги овозли чатда кузатувчилар томонидан кўплаб саволлар берилди.

Саволларга Камбағалликни қисқартириш ва бандлик вазирлиги масъуллари жавоб қайтарди.  

Маржона Қиёмова: – Тошкент тиббиёт академиясининг 2-курс талабасиман. 2022 йилда грант ютиб, қишлоғимиз одамлари бепул фойдаланишлари учун кутубхона ташкил қилганман. Кутубхонадаги ишчига маош тўлашим учун нима қилишим керак?  

– Ёшларнинг китоб ўқишга бўлган қизиқишларини ошириш бўйича яхши йўналиш танланганидан хурсандмиз. Кутубхона фаолиятини йўлга қўйиш учун доимий равишда ишчи бўлиши керак. Овозли чатдан сўнг маҳаллий ҳокимият органлари масъуллари билан боғланиб, штат масаласи ҳал этилишига ёрдам берамиз, – деди Бегзод Олимов.  

<iframe width="650" height="420" src="https://www.youtube.com/embed/BxoNsM4zYoE" title="Ногиронлиги бор шахслар ҳокимиятда ишламасин, деган чеклов йўқ" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Муҳаммад Юсуф: – Андижон давлат университетининг тарих факультетини тамомлаб, ҳозирда мактабда фаолият олиб боряпман. Ўз устимда ишлаб, карьера қилиш мақсадида ҳокимият ҳамда ички ишлар тизимида ишлашни мақсад қиляпман. Аммо кўзимда нуқсон бор, 2-гуруҳ ногирониман. Мен каби ногиронлиги бор шахслар ҳокимиятларда ишлаши мумкинми?  

– Ногиронлиги бор шахслар ҳокимият соҳасида ишламасин, деган чеклов ҳеч қаерда йўқ. Аксинча, давлатимиз томонидан ногиронлиги бор шахслар учун бир қанча имтиёзлар берилади. Давлат ташкилотларида, шунингдек, 20 нафардан ортиқ ходим ишлайдиган ташкилотларда иш ўринлари 7 фоизгача захираланади. Ана ўша 7 фоиз иш ўринларининг 3 фоизи ногиронлиги бўлган фуқаролар учун. Шундай экан, сиз бу имкониятдан бемалол фойдаланишингиз мумкин, – дейди Баҳримурод Жўрақулов.   

Н.Раҳмонова, Ё.Мелибоев (видео), ЎзА