Туркиянинг Анқара шаҳрида шахмат бўйича ўтказилган Туркия супер лигаси мусобақасида 44-шахмат олимпиадаси ғолиби, тезкор шахмат бўйича жаҳон чемпиони Нодирбек Абдусатторов иккита медалга сазовор бўлди.

Хабар берганимиздек, мусобақаларда 13 та жамоа иштирок этди. Халқаро мусобақада Абдусатторов жой олган THY жамоаси 13 партиядан иборат 12 кунлик баҳслар якунида кумуш медалга эга чиқди. “Gokturk Chess Sports” жамоаси эса 1-ўрин соҳиби бўлди.

Туркиянинг етакчи гроссмейстерлари қаторида Болгария, Чехия, Ҳиндистон, Арманистон, Озарбайжон, Германия каби ўнлаб давлатларнинг вакиллари билан ўтган муросасиз “ақл жанглари” давомида Абдусатторов иккинчи тахтадаги учрашувлар натижасига кўра 9 очко жамғарган ҳолда олтин медални қўлга киритди. Бу эса, истеъдодли ўзбек шахматчисининг Туркияда ўтган турнирда 2 та медалга эга чиқишини таъминлади.

Т. Рўзиев, ЎзА