Канадалық экономист, «еуроның атасы» атанған Нобель сыйлығының лауреаты Роберт Манделл 89 жасқа қараған шағында қайтыс болды.

Ақша айналымы және тиімді валюталық зона мәселелері бойынша жұмысы үшін 1999 жылы экономика саласында Нобель сыйлығына ие болған Роберт Манделл 4 сәуір күні Италияның Тосканадағы отбасында өмірден өткен, деп жазады Bloomberg агенттігі. 

40 жылдан астам Колумбия университетінің профессоры болған Манделл Еуропа аймағы үшін біртұтас валюта – еуроның енгізілуінде идеологиялық шабыттандырушы болып табылады. Ол бұл туралы ХХ ғасырдың 60-жылдарында айта бастаған және сол үшін оны «еуроның атасы» атанған.