Еуропалық қайта құру және даму банкі (ЕҚДБ) Директорлар кеңесінің 32-ші жыл сайынғы отырысы аясында ЕҚДБ мен ACWA Power (Сауд Арабиясы) арасында Нөкіс қаласында жел электр станциясының құрылысына несиелік келісімге қол қойылды.

Құжатқа сәйкес, банктің ACWA Power Wind Karatau компаниясына берген несие сомасы 19 миллион доллар болса, Қарақалпақстандағы электр станциясының қуаты 100 МВт құрайды.

Бұл Өзбекстанға жалпы қуаты 2000 МВт жел энергиясы қуаттарын құруға көмектесетін ЕҚДБ бағдарламасы бойынша бірінші жоба болмақ.

Жалпы алғанда, республикадағы ЕҚДБ қаржыландыратын жаңартылатын энергия көздерінің қуаты 2700 МВт-қа дейін ұлғайтылады.

Өзбекстанда өз қызметін бастағаннан бері ЕҚДБ экономиканың әртүрлі салаларында құны 3,4 млрд еуродан асатын 100 жоба мен бағдарламаны қаржыландыруды мақұлдады (893 млн еуроны құрайтын 7 жоба әзірленуде). Өзбекстан ТМД елдері арасында ЕҚДБ инвестициясының ең көп алушысы болып табылады.