Қарақалпақстан Республикасының Нөкіс қаласында қоғамдық көлік қызметін дамыту мақсатында «Sapsan Trans Nukus» кәсіпорны Қытай Халық Республикасынан жалпы құны 24 миллиард сумды құрайтын 12 дана электробус әкелді.

Айта кету керек, Мемлекет басшысының 2023 жылғы 16 ақпандағы «Қоғамдық көлік жүйесін реформалау жөніндегі шаралар туралы» қаулысының орындалуы аясында Нүкіс қаласына барлығы 200 автобус жеткізу көзделген. Қазіргі таңда тиісті кәсіпорындар тарапынан арнайы автокөліктерді әкелу бойынша нақты шаралар қабылданып жатыр.

Сонымен қатар, «Sapsan Trans Nukus» кәсіпорны Нүкіс қаласында 200 автобусқа арналған сыйымдылығы бар автобус паркін салу жұмыстарын да жүзеге асырып келеді.