“Ёшлар ижодий-тажриба студияси” ДУК томонидан “Ният” номли қисқа метражли бадиий фильмнинг тасвирга олиш ишлари якунланди.

“Ўзбеккино” Миллий агентлиги ахборот хизмати маълумотларига кўра,  фильм сценарий муаллифи Усмон Эратов, постановкачи режиссёр Ихтиёр Бахтиёров, постановкачи оператор Шоҳжаҳон Аҳмедов, режиссёр ёрдамчиси Фарруҳ Собиров, картина директори Нодирбек Йўлчиев. Ролларни Азизбек Умаров, Сойибжон Аҳмедов, Нодирбек  Йўлчиев каби актёрлар ижро этди.

Ота ва ўғил муносабатларига бағишланган мазкур фильмда инсонийлик, одамийликка хос фазилатлар  ҳақида  ҳикоя қилинади.